ANARGYRI

ANARGYRI

Graece Α᾿νάργυραι, i. e. absque argento Graecis dicti sunt, ut et aliquot Latinis Scriptoribus, Cosmas et Damianus, in Communione Graeca et Romana pro sanctis habiti, quod absque argento ac ullâ mercede, folâ charitate moti, mederentur infirmis. Vide Aldhelmum de Laude Virgin. c. 24. Erant autem trigemint fratres his nominibus insignes. Primi quidem Confesiores ex Asia, Theodotes filii, ex parte gentili, quibus Kalendae Novembres apud Graecos sacrae, ex parte, uti patet ex Constitutione Manuelis Comneni. Secundum par fratrum, fuêre Marryres Romani, quorum memoria primâ Iulii, indem ex parte feriatâ, recoli solita est, uti ex Menologio discimus. Tertii fratres, Cosme et Damiani nomine celebres, ex Arabia erant, et diem 17. Octobr. sacram habebaut, Menaea ad diem hunc. Etiam vero alii sancti Me dici hôc elogiô insigiuntur, in Liturgia, quae Chrysostomo tribuitur apud Macrum. In Menologio Graecotum, Cyrus et Ioannes occurrunt, quibus ob eandem causam idem nomen, et memoria ad diem 3 1. Ianuarii adnotata. Sampson, cuius festum incidit, in diem 27. Iunii in Constutut. cit. Panteleemon, cuius feria insignis fuit die 27. Iulii, in Menologio. Porro Cosmae et Damiani Arabum tres alii fratres, Anthimus, Leontius et Euprepius, qui dicuntur tempore Diocletiani in Ciliciam venisse, et a Duce lysia comprehensi, cum Cosma et Damiano (quibus cum eandem diem festam habent) ἀποκεφαλιςθ ην̑αι, capite plexi. Praeter quos Hermolai quoque, Diomedis, Thallalei Tryphonisque, meminit, reliquis Anargyris omissis, Liturgia supra laudata. Vide Meursium Glossar. Scotum Notis ad Theophanem Orat. 47. Suicerum Thesauro Eccl. inprimis vero Syntagma de Anargyris Historic. Viennae in Austria Graece et Latine editum A. C. 1660.